Tarik 22, Nov 2009 HSA thuoitu hai committee resolution dungzuiin December 5 hin Sikpuiruoi Bangalore chun ei hmang ding anih. Member tin nasatakin lo inring ei tiu aw. Sikpui Pa ding le Chief Guest ding hai ruok chu thuoitu haiin an biekrem hunah public a dingin puonglang ning a tih.

Tarik 7, 2009 khan Tuiring khawsuok Tv. Newton John Kom chu damnawna leiin a umna hmun Shivaji Nagar ah a in hlum. Chanchin ei hriet le inruolin ei thuoitu hai khawm an va fe a, thangsuo puonin an va tuom niin chanchin ei dawng. A ruong hi Pathienni zantieng dar 1 vel khan veng a lo tlung tah. Lusun sung hai ei tuorpui takzet

Hung tlung ding November 8 chawlni hin Pi Nancy Morton hai inah BHCF inkhawmna hmang ning a ta, hi hunser a hin Sinlung FC cup lawmna ruoi kil tlang ni nghal bawk a tih.
Program hin session 2 anga the a ni a, first session chu Pathien kuoma lawmthu hrilna le fellowship program hmang ning a ta, second session ruok chu insukhlimna remchang ang peiin nei ni bawk a tih.

HSA, Bangalore Branch sports 2009 chu huoihawt dingin thuoitu haiin an riruong mek a nih. Chanchin ei dawng danin nikum volley ball ei inhnelna College Ground a bawk khan sports ei nei ding niin ei dawng. One day sports ning a ta, hi ni hin Volleyball, Football le sports dang dang hai nei zo vawng tum a nih. Individual items hieng Carrom, etc. hai ruok chu tan mek a ni tah. Lingarajapuram area hai khan Tv. Zairemthang contact ding, Shanthi Nagar area haiin Tv. John Ringsan contact dingin ei inhriettir nghal bawk

Tarik 03, Oct. 2009 khan HSA Bangalore Branch chun fundraising na ding tiin Bawngke an rawt. Sienkhawm remchanglemna a ngaiin bawngke hi Sunday chawhnung a hme theiin an siem cho lem.. an hnik cher cher ie.. a nawk khawm la um pei elthei tiin thuoitu tienga inthawk chanchin ei dawng.

“Kei khawm computer kan chuk ve annawm..!!” ti hi khaw lai lai khawm tawng tlanglawn a lo ni ve zing tah. Eini Hmar tawng hmang hai lai ngei khawm Computer Age chuongkai ve ta in Computer thiem nuomna lungril ei hung nei ta bawk. Hi article hin a tawi thei ang taka Computer thiem hrilfie le inchuk nuom hai ta dinga decision siemna ding framework siempek a tum a nih. 

Thangthar computer inchuk tamtak ei um ta a, a then chun computer inchuk a ni phawt chun tiin an inchuk a, nu le pa haiin sum tamtak an seng pha bawk. Computer application hmang dan ringawt inchuk chun kawngro iengkhawm a deng naw ding anih.

 Target Audience:
Novice (career ding ngaiven hai le hre nuom ve hrim hrim hai ta ding)
…tiem zawm pei rawh