Tarik 22, Feb 2010.  Awleh! hi article hi thaw ding ka hriet naw luot leia ka ziek chu a ni ka ring nawh. Ei thupui “Hmar Technicians hai – thang tlang a hun tah” ti hi a tul na san hai ka hung thailang tum ding a nih. Tiemtuhai le technicians dang dang haiin in ngaidan hung thawllawm ve unla, a tul le pawimaw ang ang in thang la tlang ei tiu…

Office a ka um malamin eini thingtlangmi dang dang hai website ka enkuol vel tawl a, a then changkang tak tak, a then chu changkang bek lo hai an um a. Hmar Technician hai hin iem ei thaw ve a? Web Technology annawleh software development a hin ieng ang chen am hma ei lak ve ta a???

Kei chu ieng khawm ka ni nawh a, kei a tawkah computer hi ka lo inhnik ve em em a, programming chiterek ka thaw ve a, chu el chu ka nih. Hmar hming chawia website tamtak a um ta a, blogs le subdomain hai khawm tamtak a um ta bawk, software lem chu pakhat cho ei la nei khawm ni mei a tih.. (ka hriet suol naw chun). Ei thiemna hai hi sungkhawmin, web/windows technology pakhat, hnam dang hai khawma an hril thei ding hang thaw suok thei inla nuom a um ngei.

**** Standpoint ****
1. Visitors/Users and tlawm pha:

Hieng site/blogs le a dang dang chite rek rek mimal mimal a ei siem hin personal development tamtak a mi pek thei. Sienkhawm we are all dedicated to our own personal development.. an dik am? Eini website cho ei ngaituo a, visitors ei la tlawm si.. ei la hang inlakthe nawk lem chun chu users 5 vel cho cho ei nei seng el anih…

Entirnan: 2002 lai vel bawr khan mIRC chat ka lo hrat ve khawp el a, IRC wars a nasa em em. Lushai tawng hmangin kan chat a, servers khawm pakhat ka nei ve. irc.justro.com anih, in lo hriet ve el thei. mIRC hmang hlak tlawmte kar a khan users kan inchu a, a chang leh kan va spam/flood a, a chang leh server dang hai an user hai disconnect dan dingin kan lo ping char char a, a chang leh users tam lem nei nuom manin bots tam deu deu kan siem a kan intlar tir thup hlak. Kan server an hung attack ve zing bawk, an hung attack nawk huna ding tiin kan lo inring tham hlak anih. Hieng ringawt ngaituo hin kan khawvar zak zak hlak a nih. Awleh!!! hril sei duot loin.. the end result… pakhat khawm tuhin kan um ta nawh niin ka hriet…….. thangruol chu hratna lo hre vat inla chu aw…!!!

2. Website a hlu nawk zuol ding anih:
Visitors hai le users hai khawmin pakhat tha tak a um a ni chun, ringzona (trust) hung um tang a ta, ei ngaihlu ding a nih. Chun a enkawltu hai khawmin uluk takin mani ta ang sengin enkai ei, siemthat ngai na lai hai siem tha in, research thaw a mi ta neka chunghnung lem a siem dan ding dam a hung suok pei ding a nih.

3. Community platform pakhat a hung ni ding a nih:
Hi lai thu hi in lo ngaituo ve ta hlak dim….. Hmar Yahoo Group inti hai ei mithiem tamtak hai hin Yahoo Group hi an hril deu hat hat zing a nih. Hieng hai ta ding dam hin platform tha tak siem pek inla, ei mithiem dang (technician ni lo) hai hin mi ringzo an ta, chuongchun, community tha tak neiin, an hung hohlim thei ta ding anih… a hung inthanglien pei lem chun community dang hai khawmin Forum tha tak tak a dingin an la hung hmang thei ding a nih.

4. Hnam chawisangna a ni bawk
Hi hi invetthlak ah lo ngai naw rawh… technology tiengpang enin indopui nasatak eini thingtlangmi lai a hung suok ding a nih, a suok mek ta bawk. Hnam tinin mani software siem ei tum ding, hi hi ei indopui hmabak a la ni ding a nih. Hmar Technician hai hin ieng ang charin in ei hnam ta dingin ei lo in ring ve ta a???????…. thangruolin project pakhat bek ei nei tam???

5. Ei inthangpui tawn na dingin a tha bawk
A thiem ta haiin ka thiem taluo tah, an level chu a lan hnuoi taluo ti nawng ei tiu. A la thiem lo, thiem tum mek hai khawmin a thiem ta hai entawn tum ei tiu…. Hi point hi thil tha tak a ni nawk a nih. Platform le community tha tak a um chun experience nei ta sa haiin career el khelah process le algorithm tha tak tak hai thawlawmin in hril tlang thei ei ta, thang thar tamtak ta ding khawmin thil tha tak a la hung suok ding a nih.

6. Hmar tawng “t” (tri) ei buoi rawpna hi sukbo ngei bawk a tih
Ei buoi rawpna san hi ieng dang an nawh… computer ah “t” fonts remchang tak hmang ding a la um naw lei a nih. A ni ngei, fonts siem tak lem hi chu thapui thaw a siem a tul bek nawh.. Fonts siemna ding software tamtak a um a zuk siem el thei a nih… a siem khawm ei um nuol tah.. sienkhawm mawi tak le complete fonts zuk ring tlak tak tak a siem hmu ding a la um nawh… hieng hai dam hi hei siem tlang inla, Microsoft a khawm fonts pakhat lai ei integrate tir el tum ding annawm.. (a thei chun.. a hre lem khawm um mei ei tih) request annawleh inchawk zawngin.

7. … Le a dang dang…

Hieng points hai hi mimal pakhat ngaidan el cho a la ni a, technicians hieng zo zai, graphics designer khawm lo ning ei tih, app designer, developer, network engineers le a dang dang hai tamtak haiin ei ngaidan ei hung thawlawm pha chun MULTIPLY BY ??? a la hung ni ding a nih… ei thathnempui na ding a tam ding a nih…

All those who are in favor of this proposal… post your feedback… i am ready … ARE YOU??  waiting…

Hmar Tlangval.