Awleh, “Fashion Show! Every Sunday 3PM” ei ti hi iem ning a ta? Ngairuotdikna nei thei chin hai chun a umzie ei lo hriet thei nghal khawm ka ring. Tlangval pahni inhohlimna hieng hin ei suklang vak inla thang a ti ie:
Tlangval 1: Ruola, kei chu vawisun kan Office ah function kan nei ding ana, casual a nuom nuom a inchei thei a ni bawk a, nunghak chu nal thei rek an ti ie!!!
Tlangval 2: Eh!! nang choin nunghak nal hmu lo ding che a, kei khawm vawisun nunghak nal tak tak ka hmu ve tho ding an nawm.
Tlangval 1: Khawtiem i fe tum leh?
Tlangval 2: Inkhawm ka tum deu a…
An hohlimna chu tawite ni sien khawm an hril tum ei hriet thei tho ring a um, a dang chu hung suklang dal ei tih.
Awleh, tulai nunghak hai hi ei enin, abiktakin Hmar nunghakhai hi, Biekin a ei inchei dan ei inthlada ta em em el. A ni ngei, ram changkang taka um ei ni a, chi tin chi tang umkhawm ei ni bawk leiin ruol ban lo a tawp kienga inkhawm hai chu a tha chuong nawh. Sienkhawm, Biekin a incheidan hin chu huntawk mi nei pek thei sien nuom a um takzet. Tlangval ruol a hnung tlara inthung hai lem chun nunghak elpui ngo le ngo naw, a kekawrte lienzie, annawleh, a awmzakuo a hak le hak naw ringawt an sawnnaw an lo buoipui ta el. A zie naw thei ngei.
Chung lai zing chun tlangval hai khawm inchukding tamtak ei nei ve thung. Pulpit a pastor thuhril lai meu khawma lo BASS ve em em el hi chu thaw chi rak niin an lang naw bawk.
Ei article a tawi thei ang tak a hril ding chun tuel khawm hi article lo tiem ve taphawt hai ka fiel nuom cheu. Pathienni inkhawm zata Fashion Show (an lang rawn chi, an sing chi, an phan chi, an rek chi, ldd) hi chu ching ta nawng ei tiu. Vai hai lai kan standard an sang, kan inchei hlak dan reng anih dam ei ti ni maw? Inzak a um khawp el. Vai In (In khawm ni lo, Pindan) chiterek ei hluo a, ei Ekin le ei Bedroom inhmasawnin a um a, ei zing zun hai khawmin luongna ding an hmu naw vang vang na hmunah ei um a, ei lan ti changkang em em el hi iem ni tang a ta?….. ei culture, Hmar hnam incheidan ang takin inza um le mawi takin inchei tum hlak ei tiu… ei infiel takzet a nih.
In thahnemngaipui,
Hmar Tlangval
RSS Feeds
admin: 
Hmar Tlangval: 
Me: 
Mexpress: 
Alan: 
Eldadpa: 
Papui Tlangval: 
joshua s: 
John: 
oneofthebhcffounders:
Pu admnstrator, hi site hi bangalore hmar hai ta ding bik a nih am , hmar tu khom? Artikul in thoh thra thei khop el. Dam sawt rawh u.
Site hi Hmar Students Association, Bangalore Branch in a ibuotsai le maintain ani a, Bangalore a Hmar umhai inhrietpawna that nawk zuolna ding khelah puotienga inthawk khawm reference an hung nei theina dinga siem anih. Chuleiin Bangalore sung chanchin a cover deu tak. Chu ruol ruol chun, Bangalore sunga mi cho ti anga restriction/limitation iengkhawm a um nawh. Article tam lem hi Hmar taphawt ta ding hisap a ziek a ni nawk thung. Hmar phawt phawt ta ding a ni lem.
Thank You for posting Misuol
hi article hi kalo tiem fuk hlou ela…bangalore a um khwm ni nw lang..hi topic hi ngaituo khwp in ka hrieta…ani ngei hmar nau hai hi ram danga an um hin anvan chei rak2 tola..biek ina chen hin chu in suom met inla ka hrita…pathien khwma thienghlim taka eiin chei dit a t….great article…author lawm aum..!!!
great article..
Hmar tlangval i ziek tha taluo sunzawm pei rawh aw!! Nina inhmang chu mihriem an thling nawh. thilsiem dang hai hmana an nina anga an khawsa chun thilsiem popo a chunghnungtak mihriemhai lem chun ei inzaumna ei chawisang a tul
Hieng anga hmar tlangval huoisen ei pungpei hi ka va lawm lawm deh!!
Sunzawm pei rawh
Bangalore puo a um lem chuh ka nih. Ka umna hmun dang dang ni hlak sienkhom HMAR ka ni zing