Tarik 19, Feb 2010. Hun iemani chen a inthawka a ei fellowship (Bangalore Hmar Christian Fellowship) in a lo chai tah Pastor nei chungchang thu ah thu chienglem a la um thei naw zing. BHCF thuoitu hai chun veng tieng a kohran hai kuomah lekha pe in, Pastor remchang thei ang tak mi hung riruong pek dingin hnina an siem.

Bangalore Hmar Fellowship hin Pastor um nghet thei ding a mamaw hle a nih. Sienkhawm tu tak him? Khawlai a mi tak him? ti hi ei buoina tak a nih. Ei hang in en khawmin naupang tak tak, thalai tak tak vawng ei ni a, ieng ang Pastor him thahnempui ei ta? ti hai khawm hi ngaituo tham a tling hle. Pathien a inthawka hmangaina, beram invakhmang kei khawm a sukdam nuomna tak tak lungril nei, Pathien thu a mi keikhawm thei tu le, mi chawm hring thei tu ding ei mamaw takzet a nih.

Kum 2/3 vel sung kha chu leh Pathienin rem mi hung ruot pekin Bible inchuk Pastor dam ei nei pei a, pa tak chan changin hun hai an hung lak pei a. Tu ruok hin chu ei neisun Pastor Lalsandam khawm inchukna tieng a lo zo ve nawk ta leiin a mi lo liem san ve nawk ding an tah. Pathien remruot nghakin BHCF chun Pastor ding a nghak mek a nih.

Pathien hminga rawngbawlna sin thaw nuom Pastor ei hriet an um a ni chun ei thuoitu hai rawn thei zing an nih ti hre bawk ei tiu. Pathiein ei ta dinga tha tak a mi hung ruot pek theina dingin ei tawngtaina a hai khawm thang la tlang seng bawk ei tiu.