Ei Pastor hai hin iemani chen chu ruol pawl ding dam le insung thil neu neu mamaw an nei ding a ni leiin eini member hai a thei theiin pan tum ei tiu a, thangpui theina ei nei ani chun thangpui seng tum ei tiu. Chun vawisun Chawlni inkhawmtin hin BHCF chun member a thei thei hai leh Pastor hai inah inthungkhawm a rawt bawk a nih. Thang seng tum ei tiu.

Hnatlang a hin member thahnemtawktak fekhawm a ni a, nunghak tlangval, nupui papui, naute chenin ei inhnawk bum el a nih. An hawi em em. Choka, tuong hai sukfai vawng a ni a, bang hai khawm rawng nal thar vawng a ni bawk. A tuolsawng/veranda (terrace) inhawi le lien tak el a um a, nupui pawl chun lengkhawmna dingin an lo booking lawk der tah niin chanchin ei dawng. Hieng lai zing hin thalaipawl chun Krismas a arsa zeuna dingin an lo hau lawk ta bawk, tuhai takin am chang ta ding chu maw..

Hi hunser a hin HSA 2009-2010 sunga OB, committee members, Advisors hai le OB tharhai thang an tih. Charge inhlan ruol ruol hin bu fak tlangna nei ni bawk a tih tiin outgoing president Tv. Randolph Amaw chun a hril. A hmun ding President in ah ning a tih.

Chun hieng hai khela hin ei member 13 lai zet inchukna a hlawtling an um a, chuong hai chu lawmpuina certificate hieng ang hi inhlan seng an ni bawk a nih.

A hun : 21st August, 2010. Zantieng 2PM
A hmun: Shri. Lakshmi Party Hall, RS Palya, Kamanahalli, Bangalore.

**** RUOI ROPUI TAK EI TAP REK DING A NIH ****

Hlasak ding le item dang hai chu comperes hai remhrietna ang peia siemfel ni lem a tih.

Function hi Shri Lakshmi Party Hall, RS Palya, Kamanahalli ah nei ning a ta, chawhnung 2pm ah tan ning a tih. Member tin a tam thei ang tak thang tum ei tiu a, inhawi takin ei hmang tum ding a nih. Zantieng ruoi kil tlangna um bawk a tih.

Hi ni hin kum BHCF thuoitu thar ding hai inthlangna nei ni bawk a tih. Member tin a tam thei ang taka thang seng dingin fiel le inhriettir ei ni bawk a nih.

**vawisun 23th April hin Muvanlai group haiin an champion lawmna in bu fak tlang an rawt. Team member tuel khawm thang seng dingin an fiel. A hmun ding Pi. Emily hai in, Fraser Town. Leaders: Pi Emily, Tv Stephen Darngawn le Pu Richard Sanate.

English chun a hrilfie an hawi a, sienkhawm Hmar tawng chun chu hrilfie intak deu deu khawm a lo um el thei. Sap tawng le Hmar tawng inkawpin Computer term hai ei hung hrilfie tum ding a nih. Ei thupui ah hei lut chawt ei tih.

Iengleia File Type hi a um kher a ngai am ana?
File Type hin ieng ang file am ani a ti a hrilfie. File Type hmang lei hin video, thlalak, application, data, le a dang dang hai computer le a hmangtu in a hriet hrang thei cho anih.

File Type ei ti hi iem ana/Iengtinam hre thei ka ta?
Ei hrietthiem theina dingin hienghin hei hril inla. Thingthingrem(almirah) lien tak sungah drawer tamtak a um a, a then chu pawisa siena, a then chu zakuo thlep thap a ei siena, a then hanger a khai hai siena, le a dang dang a um. Thingthingrem hei hawng charin a drawer kha ieng siena am ana ti i hriet thei nghal. Chuong ang bawkin computer sunga khawm hin thil (file) tamtak a um a, chuong hai chu computer in a hriet hrang dan chu file type hi a nih. File hming tawpa dot(.) le thumal 3 annawleh 4 hai hi a file type anih.

Fig1. File pakhat phawt phawt right-click la chun Properties click rawh.

Fig2: Hieng ang deu hin window pakhat hmung i tih.

Fig 2 a hin a file hming chu 099691115819153 anih a, a file type chu .jpg a nih; chu chu “file of type image” tina a nih. Hieng ang hin file type dang dangin extension (.xxx) chi dang dang an nei seng a, file type tin hin umzie a nei seng bawk a nih. Hi hi anih file type ei ti chu.

**Note: Properties window a inthawk hin thil dang dang hieng, a file lien zie (file size), a file umna (file location), a file siem ni (creation date), a file attribute hieng read-only, hidden, archive ti hai ei hriet thei vawng a nih.

——————-

Right-Click a properties en kher kher cho hi lampui um sun a ni nawh. I nuom chun file extension hai hi suklang zing dingin i siem thei. Chu ding chu hieng hin thaw rawh:

Start->Control Panels->Folder Options->Refer Figure 3

Figure 3: Make sure the “Hide extensions of known file types” is UNCHECKED. Then click Apply or OK.

Chun hidden files hai suklang i nuom chun “Show hidden files and folders” khi select bawk rawh.

—————

Opens With ti hi ieng tina am ana?
Almirah tekhin thu kha hei la nawk inla, drawer tinin chabi (key) an nei seng angin computer a file type tin hin an thil hril tum tak translate thei ding program an nei seng a nih. Hieng program hai hi an um naw chun computerin file hai hi ienga ding khawm a ti naw a, a hmang dan ding khawm a hriet chuong naw a nih. Figure 2 a khin ei en nawk chun .jpg ang hrim hrim file type khi “Windows and Fax Viewer” in a hawng ding tina a nih.

Ei hrietthiem theina dingin, Microsoft Word hi program anih. Microsoft Paint, Photoshop hai khawm program vawng an nih. Anachu Microsoft Word file (.doc/.docx) hai hi Photoshop in a hawng thei thak nawh. Chuleiin file hrim hrim indik taka hawng le process an ni theina dingin indik taka program leh associate hlak ding a nih.

The button labeled “CHANGE” will help you change the file association, using which you can change the default file association for any .jpg file (in this example) to any other available program in the computer.

**Confused? Entirna dang hei la nawk ei tih.. MP3 CD venga inthawkin i ruol haiin an hung chawi a, i ruolpa computer a chu kha CD sunga MP3 (Nienglawmkim – Jerusamel.mp3) kha i double clik kan Windows Media Player in a hung play si, i computer ah i hei click ve chun “Winamp Player” annawleh “VLC” annawleh “PowerDVD” in a hung play ta dai el, ieng lei am ning a ta??? A san chu i computer a khan .mp3 filetype hai kha Opens With property a dang lei a nih. I thleng nuom chun “change” click la, chun “Windows Media Player” select la, CD music i double click nawk pha pha chu Windows Media Player in a hung play ve ding an tah.

File Type/File Extension inlar deu deu hai
File type tamtak a um a, an lar zuol bik hai chu hieng:

• .exe (Executable) : Hieng file hai sunga hin computer in a thaw ding (steps of instructions) tamtak a um hlak leiin a siemtu le a thlitum hrietchieng naw chun fimkhur taka hmang hlak ding a nih. Virus siemtu haiin an hmang tangkai hlak a nih.
• .jpg/.jpeg/.png/.gif/.tiff : Hieng file hai hi thlalak (photos) annawleh lim (image) an nih. Milim ringawt an ni leiin tithawng an um kher nawh.
• .mp3/.dat/.avi/.mpg/.mpeg/.wmv/.flv/.3gp : Hieng hai hi multimedia file an lar pawl chu an ni nawk a, hieng file hai hi Music annawleh Video, computer le mobile a hmang thei ding hai an nih. Milim ang bawkin tithawng an um hranpa chuong nawh. (.dat hi data file tina khawm a nih)
• .doc/.docx/.xls/.xlsx/.pst/.ppt/.pps : Hieng hai hi Microsoft Office file hai an nih. .ppt/.pps hai hi Powerpoint presentation file an ni a, fimkhur a ngai nawk em em. A tlangpuiin presentation hai hi user interaction a tam el khelah, program injection a um hlak leiin fimkhur takin clik hlak rawh. Virus dam a um nuom hlak a nih.
• .bat (batch files) : Hieng file hai hi .exe hai ang tho a computer in a thaw ding program (set of instructions) nei hlak an nih a, .exe in thil a thaw theina hmuna khawm .bat hai hin thil an thaw thei hlak leiin computer a ding chun file pawimaw tak an ni a nih. An pawimaw ruol ruolin pangzat an um a, a sunga commands um hai hriet fie naw chun a click khawm click sin lo el ding a nih. Hieng a ni lei hin programmer/developer hai chun hi file hi hidden (attribute) in an sie hlak reng a nih.
• .inf : A tlangpuiin hieng files hai hi an ti um nawh a, information file cho an ni lem. Sienkhawm autorun.inf an ni pha chun fimkhur an ngai em em. Folder/pen drive/external USB hard drive/CD le a dang dang hai hrim hrim computer in a process ding hin a folder sunga file um hai a check hmasa zet hlak a nih. Chun autorun.inf a lo um pal chun  autorun.inf in thaw ding a ti ang takin a thaw hmasa zet hlak  anih. Hi thithawtheina hi virus siemtu tamtakin hmangtangkaiin virus semdar na in an hmang hlak a nih. Pendrive i double click charin virus a um a ni chun autorun.inf a um ngei ngei sa a nih, hi autorun hin computer kuomah virus kha (dan naranin .exe/.bat files) kha execute hmasa phawt dingin a hril a, chu zoah folders hai a hung suklang cho hlak. Chu huna chun virus chu i computer ah a lo lut der ta hlak a nih. Fimkhur taka external devices/storage devices hai hi hmang hlak ding a nih.

Awleh file type a sing tel um lai5 vel cho ei hung hril lang a, sienkhawm hieng tarlanga um hai hin ei thiltum tak FileType umzie inhriettirin a hrilfie ngei ei beisei. A la hre belsa nuom dam ei um ani chun indawn thei zing ka nih a, chu khelah, google hai hmanga self research thaw thei zing a ni bawk a nih. Zawna hai comment hmangin indawn thei zing a ni bawk… ‘i hriet rawn po leh a hre lo hai hril hlak rawh’..

Hmar Tlangval

Computer virus hi iem a na?
Computer virus ei ti hi program ziek thiem (programmer) haiin an ziek hlak a nih. Program ei ti hi computer in a thawding inhriettir (set of instructions) tina el a nih. An thawk dan an ang vawng kher nawh. Computer virus hi a ti um el ni loin a hnawksak em em a nih. Hieng a hnuoia hai hi an thawkdan tlangpui chu a nih:

• Computer a thil umhai sukse in hmang tlaklo a insuo hlak chi
• Computer a password annawleh file i save hai a ruk te a lo lakhawm a virus siemtu kuoma thawn hlak chi. Hieng virus hai hin bank website a dam annawleh i email check dinga password i type huna i keyboard keys hai an lo inchik thei vawng a nih.
• Hnawksak reng reng a khawsa chi. Entirnan: Website dang dang a redirect hlak annawleh thil i thaw tum naw naw in thaw tir hlak chi.
• I thil inhawk zawng lo enthla a, kha dungzui a advertisement hung popup hlak chi

Iengtinam virus ka kai thei a?
Virus kai thei dan kawng tamtak a um:

• Abiktakin eini Hmar ruol chu hieng pendrive hmanga file in thawn, video/music laksawng ti dam ei ching em em. Hieng hai hi virus hmangruo a ni hrim a nih.
• Website a advertisement tam tak, eg. Free scanner, free cleaner, booster, ei ti hai FREE ti word hmanga user mawl tak tak hai lungril lakpeng hi a thil tum tak a nih. A hre loin lo click ta ang inla, chu zo minute 2/3 hnung chun virus hri a lo invawihai lai a lo thang ve el ding a ni tah. Chun website reng reng virus nei chi a um nawk a, virus hri invawi website visit lei ringawt a inthawk khawmin an kai thei.
• Software thenkhat install changin add-ons annawleh advertised program chiterek, annawleh virus kai sa software install chun virus a kangzap nghal bawk.
• Chain-email tam tak hin virus hri a phur hlak bawk, hieng ang email hi a email i receive hin virus i kai el nawh a, a link annawleh content iemani i click fuk pha i kai lem hlak bawk.
• le a dang dang

Antivirus siemtuhaiin iem an thaw a?
Hieng ang lawma virus kai a awlsam ruol ruol hin antivirus siemtu hai chun thang an lak nasa em em. Thil mak dangdai tak pakhat chu anni ngei khawm hin virus thenkhat test na dingin an release ve hlak bawk. A hrietthiem an tak em em anih. Computer virus dodal na ding hin anti-virus company tamtak chun virus siem thiem hai bawk an hotu dingin an ruot nawk hlak bawk. Computer khawvel a chu an keimat kuol vawng leiin virus hin bo chin tak tak a nei naw ding a nih.

Iengtinam virus laka inthawk invengfimkhur thei ka ta?
Thil awlsam tak ni sien khawm a hre lo ta ding chun thil harsa tak a ni nawk thung. Step thenkhat thaw dinga thaa ka hriet ve hai ka hung suklang ding a nih. Hieng step hai hi i thaw vawng hnung khawma virus chu a lan kai thei tho a nih, sienkhawm nasatakin virus laka inthawkin a veng him ding che a nih.

• File i click hma in iem ana a extension hriet hmasak a pawimaw. A chan chun Folder pangai ang deua i sawn hai khawm .exe an lo ni nuom view a nih. New Folder virus ei ti ang deu hai chi kha.  Computer files le file type hrietthiem
• Pendrive/external device a file ringhla um deu deu hai chu manual delete hmak hmak ding. Computer files le file type hrietthiem
• pendrive/ext device/folders a inthawka autorun.inf file hai delete ding .  Pendrive thenkhat chun an software thawkna dingin autorun.inf an sie hlak a, chuong a ni si naw chun dannaranin pendrive chun autorun.inf a nei ding a ni nawh. I delete nuom a ni chun hi command hi run rawh  del x:/autorun*.* /f /s /q /a . Hi command hin autorun ti hming put reng reng files hai a delete vawng ding a nih. x: hi i pendrive driveletter a ni ding a nih.
• CD/DVD computer a thun changin SHIFT key iemani chen inthla loa hmet hin CD a inthawka automatic a program run ding hai po po a that vawng bawk.
• Anti-Virus tha tawk tak nei a update zing bawk ding. Ieng ang antivirus am? (coming soon…)

Hieng po khela hin Operating System dang dang ah virus a thawk dan an ang naw hlak bawk. Windows XP hi virus in a attack rawn tak a, a san chu a that naw lei ni lo in, a hmang tu an tam em leiin a suksiet dan inhawi lem hrie an tam tawk tah tina a nih. Linux based OS hai ruok chu virus in a la attack bek bek nawh, sienkhawm a hmangtu hung tam an ta, XP ang tho la hung ni ve el a tih.

Hieng a chunga steps thenkhat hai hi tha taka ei hriet hne a, uluk taka ei enkawl zing chun virus laka inthawk nasatakin ei in venghim thei ding a nih.

Virus kai ta hnung iengtin am sukfai thei ka ta? (coming up..)