An official organ of the Hmar Students’ Association, Bangalore Branch
Tarik 4, July, 2009. Zing July 5 hin Bangalore Hmar Christian Fellowship (BHCF) chun a kum 5 tlingna (5th anniversary) ropui takin lawm a tum. Hi huna ding hin BHCF thalaipawl khawmin hlapawl nasatakin an inchuk niin thu ei lo dawng.
5th Anniversary lawmna ding hin BHCF chun member hai po po fak dingin ruoi ropuitak a buotsai bawk ding a nih. Member tin thang seng tum dingin thuoitu tienga inthawkin fielna ei dawng bawk a nih.
Posted in Uncategorized.
Tarik 2, July 2009. Hmun hran hrana inthawka chanchin ei dawng danin Hmar Mobile E-Bible, hmasaklai el a Bangalore a release a lo um kha HSA, Bangalore kutsuok ni dinga ringtu tamtak ei um leiin hieng ang hin hang hrilfieng ei tih.
Release a um ta kha “Sinleng News” hai ibuoipui a ni a, Bangalore a um mithiem thenkhat hai rawnin an siem a ni lem. Release a um tah E-Bible a khan HSA, Bangalore Branch in inrawlna a nei nawh. Chun hi E-Bible hi Delhi Version cho a ni a, chu bakah Mobile a ding cho a nih; computer a hmang thei a ni naw thu insuotu “Sinleng News” organizer a inthawkin thu ei dawng.
Posted in HSA-BB Info.
Tarik 2, July, 2009. Vawisun khan Banglore HSA member inkhelthiem hai, Sinlung FC hming chawiin unau Thadou-Kuki hai football tournament ah an va thang ve a, an khingpui hai 1-0 in an va hne. Lawm a um takzet. Sinlung FC, takchapa..!!!! Hnena le inzawm hin zingah dar 12 ah Quarter final, Shanti Nagar Ground ah inkhel an tih… beiseina insangtak leh aw…
Posted in Uncategorized.
Tarik 17, 2009. Vawisun Pu Mansang Songate BHCF inkhawmna ah thuhrilna a nei. A sinthawna NEICORD le inzawma tulna a um leia Bangalore a hung inzin a nih. "Ra nei ding le, ra zing ding" ti thupui hmangin Pathien thutak ropuitak el a hril. A ngaithlak an hawi em em. Ama ruol hin IRS office Bangalore a mi le, EOC pastor hai an hung thang ve. Inkhawm an hawi khawp el.
Continued…
Posted in BHCF, HSA-BB Info.
Tarik 13, 2009. Vawisun a inthawk hin Project ei nei hai reng reng ngirhmun le phak chin hre nuom hai chun iengtiklai khawm http://www.project.hmararasi.com ah en thei zing ni tang a tih.
Posted in BHCF, HSA-BB Info.
Tarik 12, 2009 khan Hmar Inpui a inthawka lekha hmu a ni angin HSA, Bangalore OB le Advisor a thei theiin zingkar inkhawm hun hmain Pu HT Sangliana a chengna hmun, Game village, Bangalore ah an van hmupui. Hmar Inpui Palai sin an va thaw a nih. Hmar Inpui a inthawk a thilpek inhlan a ni bawk. Continued…
Posted in Hmar Lawrkhawm.
Tarik 10,12 April, 2009 khan BHCF chun Good Friday le Easter Sunday inhawi takin a hmang. Good Friday hin ruoi ropui taka the a nih. BHCF member Rev. Jonathan Pudaite hai sungkuo inthlana malamin Good Friday hi inhawi taka hmang a nih. Easter Sunday khawm an hawi hle, Lingarajapuram thalaipawl in hlapawl thiem em emin an sak bawk.
Posted in Uncategorized.
Chanchin dawng dangin March 28 khan Pu HT Sangliana chu Congress party ticket inhlan a lo ni tah. Hi ruol ruol hin campaign dingin nasataka thang lak thar nawk a nih. Hi thu le inzawm bawk hin Bangalore Hmar member hai khawmin a tam thei ang taka voter ID nei dingin an inpuocha mek a, application an peklut sup sup niin chanchin lo dawng bawk a nih.
Posted in Uncategorized.
Tarik 22, March 2009 khan Bangalore Hmar Christian Fellowship chun Project a a inei, Keyboard thar (Yamaha PSR 700) tha em em a lo nei tah. Chawlni hin member po po in lawmna neiin thlai thleng awt tlangna an nei bawk. Inhawi an ti tlang khawp el, halsakthiem tam tak khawm a thar ei suok pei ring a um … 
!! Hlimtaka Lalpa chawimawina a hmang ding aw
Posted in Project.
HSA Bangalore Branch committee nuhnungtak resolution dungzuiin Bangalore Hmar hai chun March 1st 2009 a inthawk hin E-Bible Project nei tan dingin an lo rawt thluk tah. Hi ruol ruol hin Hmar Bible Version dang dang sut tu hai contact ding le a tul anga information la khawm dingin OB hai kuta inghat a ni a, Version buotsaituhai phalna la in Bible softcopy hi ngen dingin thuthlukna siem a ni bawk. Continued…
Posted in Project.
Loading ...
Comment thartak